27/11/2011

上回提要：

Johnny向我道出佢嘅往事，亦交待咗佢同卖淫集团嘅瓜葛，不过严格离讲卖淫原来只系佢哋集团嘅其中一环，只系用离作为控制有势力人仕嘅手段，要佢哋滥毒，要佢哋为命是从，从事所有有可能嘅犯罪勾当．．．．

Johnny原来已经深深爱上咗我，我冇问佢咩原因，又或者我根本吾想知真相，因为听完佢嘅故事，就好明白真相往往系残酷嘅，爱情就更加系冇得解释嘅嘢！但系我呢？我又锺吾锺意佢呢？成件事离得太快，我未有足够时间去了解分析，我只知道我同佢有嘅果种心跳感觉，就连同阿ken都冇发生过．．．吾知呢ｄ系吾系叫做爱情感应呢？讲起心跳感觉，我就不得不提Johnny讲嘅一个叫做卓皓嘅人。卓皓系我第一次入警校果时嘅同班同学，我同佢都发生过一段刻骨铭心嘅往事，Johnny真系神通广大，呢件事我从来冇同人讲过，点解佢都会知呢？

十九岁嘅我刚读完预科，一心谂住入大学，点知人算不如天算，成绩未如理想，前路茫茫，又吾想重读中七，最後响无可无不可嘅情况下去咗考警队，贪佢人高又高又隐定，可能平时都有做开运动又打开波，体能都算系几好，所以又咁好彩一次就比我考到，记得入学堂嘅第一日，我一早带齐行李就搭车入黄竹坑报到，因为惊迟到，所以预早咗好多出门口，比预定时间早咗好多到达，被指示去报到室度等，我以为我会系第一个到，点知原来重有人早过我，见佢着住便服坐响度，身旁一个大背囊，身材高大壮硕，吾知道嘅重以为佢系警察添，样貌有点儿孩子气，但就不苟言笑，有d cool，只系望咗我一眼就冇再理我，搞到我都吾敢坐埋佢身边。重有成大半个钟先够钟，百无聊赖，都系忍吾住去聊吓佢倾偈，与其未来日子同佢可能会有好多机会接触，当系识多个朋友先都好。呢次系我第一次同佢接触，佢吾多友善，我对佢冇咩好感，但亦都开始咗我同佢嘅一段难忘嘅往事。

同佢倾咗冇耐，吾系倾偈，应该系我同佢讲先真，我同佢讲咗好多嘢，但系佢就有句冇句，只系知道佢叫卓晧，英文名叫Howard，入警校系为咗想做警察，就系咁多！！！

训练终於开始，警校嘅训练绝不轻松，就如训练有素的我也感到吃力，加上体力与脑力的交替折磨，部分学员已经出现疲态，有些更加频临崩溃边缘，幸好我哋同班学员都都互相鼓励支持，基本上都总算捱得过！当然当中仍然有一些表现比较突出的学员，能文能武，表现突出，训练开始後两星期已经渐露锋芒，成绩独占鳌头，卓晧与我就系当中嘅表表者，相处落离卓晧比我嘅感觉系高傲同好胜， 慢慢我哋就成为互相竞争嘅对手，可能因为呢个原因，我同佢唔算系好好嘅朋友，亦都吾多沟通，不过我都好欣赏佢系一个光明磊落又有正义感嘅正人君子，我哋都算系良性竞争，同班同学都睇好我哋其中一个会罗到毕业时嘅银鸡奖，不经不觉我都对嘅留意多咗，慢慢少咗偏见，多咗欣赏！响训练期间学员经常都会分组互相合作，同卓晧合作既机会多左，对佢就更加了解，佢系一个外冷内热嘅人，平时以冷酷嘅外表掩饰自己嘅内心，喺一个自我保护性好强嘅人。我对佢既感觉就由抗拒变成理解，继而产生好感！不过仍然只系停留在君子之交嘅关系。

我开始对卓晧呢个人产生兴趣，从其他学员口中打听到佢系单身冇女朋友，屋企嘅父母早已经退休，重有一个细佬读紧中学，系家中嘅经济支柱，经济压力好大，可能因为咁样令到佢个人比较自我保护。

经过咁耐以嚟嘅努力，学警训练好快进入尾声，对卓晧嘅认识日深，每当同佢独处嘅时候，都会有一种好微妙嘅感觉出现，有时又会欲言又止，当然呢种感觉唔代表d咩，亦都可能系我谂多左，总之同佢一齐嗰阵时就会有一种浑身吾自在嘅感觉．．．．．终於去到毕业前嘅最後一个考验，学员要分成两个人一组到荒岛上渡过与世隔绝嘅三日两夜，完成指定嘅任务，有合作嘅任务亦都有竞争嘅环节。抽签结果居然系我同卓晧成为一队，都唔知系开心定系担心好，开心嘅当然系我终於可以响毕业之前有更多同佢独处嘅机会，以後各散东西，都吾知会吾会再见面，但系我又好吾钟意个种浑身唔自在，又有少少敌意嘅感觉！好多同学都话系上头特登编我哋同一队，等我哋完成毕业前最後嘅竞争，边个赢嘅就边个攞银鸡奖。无论点都好啦，我相信我同卓晧都会全力以赴，争取最後嘅胜利。

为左准备未来三日两夜嘅考验，我同卓晧之前果晚约埋一齐做左好多准备功夫，倾到好夜，卓晧果然耐力惊人，之前考试捱左几晚通顶，成个人都散晒，佢而家重可以精神奕奕，我真系佩服佢，我已经攰到扒咗响张枱上面不省人事，数吾够十下就已经瞓着咗，就响我训到蒙蒙胧胧之际，我突然感觉到有人用手好温柔咁摩我个头，嗰种感觉好特别，跟住佢仲锡左我一下，事情发生得太突然，我来不及反应，只好呆坐假装训着，当时响自修室里面只有我同卓晧，我谂吾到会有其他人咁做，但系佢点解会．．．系唔系我谂多左，还是．．．我稍微郁动身体，佢就即刻缩开，我抬高头只见佢若无其事咁继续写嘢，但系佢呢个举动就太过核突、太过着迹，有点儿此地无银，我当然亦都唔会玩踢爆，叫佢一齐早ｄ训，我已经攰到咩都谂吾到，好快就抱头大睡，但系我谂佢就成晚都训唔着。

第二日好早就要起身，同卓晧一齐出发，去到一个渺无人迹嘅荒岛，正值夏天，忙咗成日，第一日嘅任务主要系需要我哋一齐完成，卓晧絶对系一个好好嘅合作伙伴，吾会好大喜功、亦都冇个人主义，我哋两个合作无间，虽然汗流浃背，但同佢一齐做嘢好舒服，冇咩压力，相信我哋呢一日应该攞到吾少分数。

忙到晚上完成晒第二日需要嘅准备功夫後，终於可以静落离休息，同卓晧一齐

本章尚未完结,请点击下一页继续阅读---->>>