家吾应该有歪念，但系我都系一个男人，加上我背上嘅系卓晧，我又点会冇反应呢？激突嘅吾单止佢嘅结实胸肌，重有佢下面嘅小晧晧，吾知系我敏感定系我心邪，又或者可能系我一路背住佢上下咁磨，我觉得小晧晧越离越突，搅到连我小ryan都蠢蠢欲动．．．．。背住卓晧行其实真系好辛苦，但系心里面吾知点解又有一丝甜甜嘅感觉，初时一路行卓晧都会一路同我讲吓嘢，不过可能佢都真系太攰，双手揽实我胸前，成个头就慢慢伏咗响我颈边，应该系话训咗响我颈度，基本上系面贴，试过几次我一拧转头，我就已经嘴咗落去卓晧度，不过佢真系训得好淋，基本上都冇咩反应，不过我就好享受呢一刻嘅感觉，好ｄ似偷，又有ｄ似奉旨抽佢水咁．．．．都吾知行到几点，亦都吾知行咗几耐，同佢一齐嘅时间又好似过得好快咁，个天都开始光，火热嘅太阳又慢慢升起，我同卓晧终於返咗去终点站度．．．我哋当然系迟过原定嘅时间到达，不过好彩卓晧只脚都冇咩事，我哋终於一齐完成咗成个咁艰苦警校训练。不过令我好困惑嘅系，果日之後，我以为同卓晧嘅关系会有所改变，就算吾系有咩发展，起码都会比之前熟稔，点知竟然系事与愿违，有几次当我满心欢喜咁想约佢出离，佢都会借故推辞我，佢对我嘅态度好似比之前更加冷漠，开头我以为佢谂住我会攞咗毕业果个银鸡奖，所以吾开心，点知响结业礼之前我向阿sir打听，我知道其实攞银鸡奖果个系佢，而且佢一早就知道。攞吾到银鸡奖嘅我都冇咩太大失望，反而最失望嘅系点解佢会咁对我，同果两晚嘅卓晧简真系判若两人．．．？点知响结业礼前嘅一晚，我哋成班学员一齐出离玩埋最後一晚，我从其他学员口中居然听到呢个传言：佢哋话卓晧未去三日两夜之前已经知道佢如果最後呢个比赛输咗比我，佢就会攞吾到个银鸡奖，所以就用苦肉计，响最後果日扮脚伤，等我同佢都一齐完成吾到任务，最後攞到银鸡奖嘅就会系佢。听到呢个传言，再加埋佢之後对我态度嘅转变，成个剧情又真系好配合．．．．．我一时间吾知点样面对好，究竟传言系真定系假，我曾经有过冲动想去问清楚卓晧，但系我又惊个结果吾系我嘅预期，既然佢而家都咁样对我，真相系点都吾重要啦，我就让呢个传言响结业礼之後永远封存成为秘密好啦，起码我都重有一丝希望，有一日佢会走离同我讲出我想听到嘅真相．．．．结业礼之後基本上个个都各散东西，试过一两次搵卓晧佢都冇覆我，我都死心啦，之後大家派咗去吾同嘅环头就更加冇再联络。慢慢又过咗几年，我都差吾多忘记咗呢个人，响好遇然嘅情况吓，我收到风，有人话卓晧已经辞咗职冇再当差啦．．．．呢个消息好突然，我重好记得果晚佢同我讲佢好开心可以考到做警察，重谂住会继续读番个degree再考督察，退休前起码要做到个总督察三粒花，听讲佢嘅表现一路都好好．．．点解而家佢会．．．一时之间谂吾明，有人话佢中咗六合彩、有人话佢去咗做生意，重有人话佢去咗做卧底添，总之好多谣言，都吾知边个系真，不过最後我都冇再放响个心到，吾系Johnny再提返起呢个人，我都差不多将佢淡忘咗．．．

Johnny:你记吾记得一个叫做卓皓嘅人？

Ryan: ．．．卓皓？．．．．系吾系我入警校果时果个同班同学呀？呢件事同佢有咩关系呀？

Johnny:系，就系佢．．．你重记吾记得果次你比我催眠之後，阿Ray同我提过有一个学警卧底想查佢哋，最後比佢哋玩到残，而家重变咗个大食零，成人搵人哋开波．．．你应该用电话录低咗，你返去应该有听返，系吾系？

果次系我上去Johnny度比佢催眠咗，之後阿Ray同Johnny嘅对话，我都系之後听返个电话录音先知道．．．Johnny都真系好厉害，连我录咗佢哋音佢都知．．．

Ryan:系，我记得，咁呢个人同卓晧有咩关系？

Johnny:呢个人做完卧底後去咗见心理医生好多次，因为做卧底期间比人过量喂食精神科药物，做成脑部永久性损伤，做吾返前线，转咗做文职，最後因为表现欠佳而比人炒咗冇做警察啦．．．

Ryan:吓？咁都得，佢帮警方做卧底搅成咁，最後重比人炒埋？有冇搅错呀？

Johnny:连你都觉得冇理由啦，如果你系佢阿哥你会点呀？

Ryan:咁一定要同佢讨回公道啦，点可以比警方利用完之後就过桥抽板架．．．．简真系离晒普．．．

Johnny:卓晧就系佢哥哥，佢嘅反应同你一样，重比你更激动，佢做咗好多嘢，又搵律师要告一哥，搅咗好耐，但系当时警方吾想卧底单嘢曝光，所以成件事就噤得好实，重叫咗好多高层同卓晧讲吾好再搵咁多嘢，卓晧当然吾肯罢休，重得罪咗好多高层，最後就连个P file都比人写花晒，佢一怒之下就辞咗职冇当差．．．

Ryan:咁之後呢？

Johnny: 佢冇当差之後居然用咗吾知咩方法接近咗黄sir，帮佢手做嘢，可能佢当过差，所以黄sir都好重用佢，不过我谂佢哋吾知道卓晧背後嘅身分同动机。

Ryan:咁你又点知道呀？

Johnny:我有时会上黄sir屋企到，有几次见到卓晧，所以识到佢，不过我同佢就吾算系好熟稔果只，不过有一次比我无意中见到卓晧静静鸡潜咗入黄sir间书房度开佢部电脑，好似想抄d咩走咁，我先对佢起疑心，再番查佢嘅纪录先知道背後嘅内情，我相信佢都系同我一样，想向黄sir班人报复，但系佢势孤力弱，好难做到ｄ咩嘢。

Ryan:咁你有冇同佢表露身份，要佢帮你手呀？

Johnny:冇，我系最後一步棋，我吾想咁快表露身份，所以我想你帮手．．

Ryan:呢个就系你嘅计划？你想我接近卓晧？

本章尚未完结,请点击下一页继续阅读---->>>