断游说你买呢样果样．．．，上到去都几舒服，吾怪得卓晧都钟意嚟呢度。同职员搭讪咗几句罗吓料，都吾敢问得太多，以免惹人怀疑。

参考Johnny嘅资料，我连续几日响卓晧通常会出现嘅时间上中心度希望可以遇到佢，我已经刻意低调，但连接待处果个小姐同中心唯一嘅trainer都认得我，可惜都系见吾到佢，我又吾敢主动去打听卓晧嘅消息，有点儿令我泄气，唯一攞到嘅料就系见到其中一个locker上面嘅label写住Howard，系卓晧嘅英文名，我亦都贴过胶纸响柜门边，证明由我第一日上嚟开始都冇人开过，都叫做有少少收获，但叫Howard嘅人都吾一定系卓晧，．．．．我实在吾想再浪费时间，决定今日再上去一次，尝试接触一吓个trainer，睇吓会吾会收到d料．．．。我又差吾多十点钟上到中心，今日中心比平日呢个个时间更加静，更加少人，上离嘅人好多都系做一阵就走，做咗成个钟头，汗流浃背，到而家成个中心就只剩返接待处小姐同trainer我哋三个人，我谂呢个系最好时机同trainer搭吓讪。呢个trainer系一个中年男人，身型都系操得好fit，冇咩中年发褔嘅迹象，吾算系好靓仔，但笑起上嚟有个走凹，令人觉得好亲切，加上个人又nice，对d客好友善，又吾会好似果d连锁中心咁一味落嘴头要你join呢样买个样，除咗我第一次上离佢同我倾过吓偈，知道我系做开gym之後，佢就好放心冇再理我，冇对我问长问短，只系我每次上离同走果时同我打个招呼，所以离呢度做gym都真系几relax…

见个trainer正在清洁健身器械，我见佢望过嚟我嘅方向，我把握时机决定向佢埋手，借意问吓佢问题，佢好快就露出笑容举手示意，再加多一句：「Hi，咁耐冇见呀？」吓！！原来佢系同我後面嘅客人打招呼，因为从我後面跟住就传嚟一把似曾熟悉嘅声音：「系呀，呢排好忙呀！！」，就系佢！系卓晧！一把久遗咗嘅声音，一个期待已久嘅面孔．．．一眼我就认得出系佢，但佢嘅原始吸引力比佢嘅面容更加诱人，着住一件白色短袖贴身汗衣，下面就系一条水蓝色单车短裤再加埋一对纯白色波鞋，成个运动员look，虽然有条毛巾搭咗响颈，但都掩饰吾到佢比响警校毕业时更加健硕嘅身型，坚挺胸肌加埋发达嘅二头三头肌，配合得洽到好处，再加埋倒三角身形，絶无多余赘肉，我相信呢几年佢都下过吾少苦功，不过最吸引我眼球嘅始终系佢下面果份司华力肠加大号双蛋醒晨早餐，以前都吾觉佢咁吸引，今日配合埋佢条紧身单车裤就真系令人眼前一亮。依依不舍咁离开咗佢嘅原始引力，再压制住我原始慾望，先可以望返佢嘅容貌，一秒间嘅眼神接触，仍然系果对深不可测嘅眼神，吾知佢谂紧咩嘅眼神．．．面容少咗以前嘅孩子气，加添多咗好多成熟同稳重，多年前我同佢嘅所有影像，一次过快格重播，当中包括同佢第一次响警校相遇；同佢响学堂嘅互相竞争，佢响自修室对我嘅偷吻；响荒岛同佢两日三夜嘅相处；佢训觉时一起一伏嘅胸膛；开始行动前佢紧紧揽住我；我背佢返终点时佢压向我背部嘅结实胸膛，同埋我一整晚偷偷咀佢，所有呢d情景就好似昨日发生咁，历历在目．．．。定咗神吾知几耐，我以为佢会好热烈咁同我离个拥抱同亲吻，但所有呢d幻想都响几秒之间幻灭，吾知佢系吾系见吾到我；还是认吾出我；又或者佢根本吾记得咗我呢个人，佢就响果几秒间响我身边刷身而过，我就好似坐响跳楼机道升得好好，再响一秒之间向地面冲刺，跌得我体无完肤，我即刻收番头先示意嘅手，留番只系尴尬嘅表情，望住卓晧嘅背影越行越远．．．睇离佢同trainer又吾似系好熟，打完招呼後就各自活动，trainer继续佢嘅工作，卓晧就开始热身．．．我果一刻真系吾知点算好，究竟系上前同佢相认？还是．．．等佢主动．．．但机不可失，下次再遇到佢又吾知要等几耐，．．．谂咗一阵间，我就决定咗我下一步嘅行动．．．我继续做机，暗中偷望吓佢，但又吾可以咁明目张胆咁着迹，唉．．．．．。

我继续做机，见卓晧都已经做到汗衫尽湿，将成个胸肌同腹肌嘅线条表露无遗，真系睇见都令人血脉沸腾、心跳加速，正常男人见到一个咁有质素嘅身体都会有反应，何况呢个人系我苦思咗咁多年嘅卓晧。未至！！我「苦思」咗佢咁多年？我有苦思过卓晧咩？有好几年佢已经响我记忆里面消失，吾系Johnny再提番起呢个人，我根本就吾会再谂起。但系而家点解我又会有「苦思咗佢咁多年」嘅感觉呢？究竟系因为我同佢当日一个未完嘅故事，留比我一个不甘心同遗憾，以至我今日好想寻回昔日嘅情怀，继续当年嘅故事，再续未了缘；又或是系我对佢嘅感情一早已经植根咗内心深处，到今日再次萌芽，茁壮成长？连我自己吾知道答案，但呢一刻嘅我只系感到全身灼热，一方面回味紧脑里面反覆播放嘅情景，另一方面又要压抑心里面嘅慾火．．．，哎呀．．．一时分心，居然比部机拉一拉膊头嘅肌肉，一阵疼痛直上颈部，令我动弹不得，trainer一听到我嘅叫声已经第一时间走埋我度，帮我松咗部机，再用专业嘅手法帮我按摩膊头肌肉，好在吾系好严重，好快我已经松番晒冇事，期间我一直有留意卓晧嘅反应，除咗我第一声叫咗出离果时佢望过我一眼之後，佢就一直都冇再望过离．．．颈部嘅痛楚点都及吾上心里面嘅失望。终於等到适当时机，我先入更衣室，再去疑似卓晧嘅locker，检查柜门边胶纸，证明刚刚比人开过，好大机会就系卓晧嘅locker，我就响呢个locker前面溜连，相信卓晧好快就会返入离换衫．．．不出我所料，几分钟後就见到大汗淋漓搭住毛巾嘅卓晧出现，佢又一次近距离响我身边行过，但今次我就吾够胆再直望佢．．．心跳加速，佢会吾会主动叫我呢？我第一句应该点答

本章尚未完结,请点击下一页继续阅读---->>>