行动上左去阿Ray嘅办公室攞料，点知又俾佢哋捉到，比佢哋糟蹋完之後仲喂咗佢食好多毒品，然後弃置咗响後巷度，好在有个巡逻警员见到就送咗嚟医院。细佬足足昏迷咗成个礼拜，医生话佢可能会变成植物人，我日日系医院陪住佢，同佢倾偈，好在佢最终都醒番，但系就有咗好严重嘅後遗症，包括记忆力衰退、言语同行动嘅反应都迟钝咗好多，但系佢好肯定咁话比我知上次去阿Ray嘅办公室度系Peter叫佢去，唔系佢私自行动，根本就系Peter嘅情报有问题，累到我细佬比啲佢哋捉到！而家仲屈我细佬私自行动。我真系嬲到爆，正想上去搵Peter理论，点知佢居然先发制人，要我细佬出席纪律聆讯，屈我细佬两宗罪，包括做卧底期间私吞收入，仲有私自行动令计划曝光！

我细佬帮警方做卧底搅成咁，而家仲要佢纪律处分，成件事根本就系Peter处事失误先至搞成咁，而家佢仲要将所有责任推卸落我细佬度，之後要佢转去做文职，跟住又话佢表现欠佳，态度恶劣，屡劝不改，最後仲抄埋佢添！有冇搅错呀？Peter根本就系想整走我细佬，等佢嘅恶行吾会有人揭发！我细佬点可以比佢利用完之後就过桥抽板架．．．．简真系离晒普．．．，我一定要帮我细佬讨回公道！我做咗好多嘢，搵律师要告一哥，重将细佬做卧底果阵时嘅日志副本交上去，点知佢地话果ｄ文件喺伪造，唔接纳！搅咗好耐，当时警方吾想卧底单嘢曝光，所以成件事就噤得好实，重叫咗好多高层同我讲吾好再搅咁多嘢，我当然吾肯罢休，得罪咗好多高层，最後就连个P file都比人写花晒，我一怒之下就辞咗职冇当差！我决心要找Peter报复，唯一可以同警方抗衡到嘅就只有嗰班人， 所以我就用左好多方法接近黄sir，帮佢手做嘢，好在佢唔知我同细佬嘅关系，所以黄sir都好重用我，我决心要利用佢哋嘅势力帮我细佬讨回公道！

我细佬就惨啦，而家不断要睇心理医生，因为做卧底期间服食过量精神科药物，做成脑部永久性损伤，而家只可以响社区会堂里面做ｄ简单嘅工作，我仲要成日陪住佢！我细佬嘅人生就系咁比佢哋毁左！

Ryan：咗其实害成你细佬咁样嘅唔止系我阿头Peter，仲有喺嗰班人!你而家帮佢哋做嘢，咁咪系助纣为虐！

卓晧：你放心，一路以离我都已经掌握晒佢地嘅犯罪证据，包括有乜部门有乜高层牵涉在内，包括佢哋嘅毒品供应商，接头人，仲有洗黑钱嘅方法同银行户口我都一清二楚，其实我随时都可以将呢d资料交比警方，佢哋随时可以拉人，但我绝对唔会比Peter坐享其成，所以我先要对付咗Peter先，我再将呢d资料交比警方。当然呢d资料都系我嘅护身符，我要利用佢地令我可以成为污点证人，帮我自保甩身！

Ryan：咁你打算点様对付Peter呀？

卓晧：我要等待机会，你会唔会帮我呀？

Ryan：你肯定Peter同果班人无关系？

卓晧：呢一点我好肯定！

Ryan：如果你所讲嘅野系真嘅话，阿头真系隐瞒左好多野无讲比我知，而佢嘅所作所为简直令人发指，天理不容，纵使佢冇犯到法，我都一定会帮你对付佢！！

卓晧：我可以对天发誓，如果我有讲过半句大话，我就一定不得好死，身首异处！

Ryan：咁你又唔驶讲得咁尽，我又冇话唔信你！

卓晧紧紧咁揽住我，接咗一个好长嘅吻！将我地两个人既心融埋一起！

揽住卓晧响荒岛上面过咗一个浪漫嘅晚上，但我又应该用咩心态去面对佢呢？

23/12/2011

卓晧终於向我「表白」，将成件事嘅来龙去脉讲比我知，最令我接受吾到嘅系阿头Peter嘅所作所为，枉我以前同佢做咗咁多嘢，我重当佢系好人，谂返转头都觉得好难接受，真系令我好失望。纵使佢冇做犯法嘅嘢，但系佢呢种踏住人哋上位，重要将自己嘅错失推卸落人哋度嘅做法真系天理不容，人神共愤，我吾去做ｄ嘢真系对吾住好多比佢害过嘅人！！但系佢位高要职，我都只系散仔一名，呢一刻都冇咩可以做到对付佢，唯有系等卓晧找到机会，再配合佢将个衰人治罪。

不过我都吾应该咩都吾做，起码呢段时间应该多ｄ了解Peter呢个人，知多ｄ佢嘅嘢。况且，虽然主观上我系好相信卓晧讲嘅嘢，但系冇见佢咁多年，佢而家嘅背景都系靠Johnny比我嘅资料，我都应该求证一下佢讲关於Peter嘅嘢，如果当中系有隐瞒而另有目的嘅话，我就会好似傻仔咁比佢哋几个攞布，为咗自己我都要小心ｄ。况且如果Peter真系卓晧讲嘅果种人，咁我都要睇吓究竟重有边个高层系信得过，我要直接向佢埋手。

同情报科阿头程志毅（Peter）都算系合作咗一段时间，佢系一个比较沈实嘅人，比较准确离讲应该系深沉，无谓嘅嘢吾多讲，为人低调，同下属吾算系好close，我同佢都只系君子之交，上司同下属关系，吾算好熟。响我印象中，佢系一个好能干嘅人，做嘢好认真，听ｄ师兄讲佢以前嘅表现都好好，又得上头嘅欢心，四十岁出头就已经升到去呢个位吾容易，响我心目中佢嘅工作历程都算系我地好多同期学员嘅奋斗目标，我原本都几尊重同欣赏佢，

本章尚未完结,请点击下一页继续阅读---->>>