最後嘅一舔当然系吻上我嘅嘴唇上面，再一次同卓晧深深相拥接吻，真系好似仿如隔世，非常感动．．．．比卓晧揽住嘅感觉真系好好，佢用口响我耳边低声细语：「佢哋响呢度装咗偷听器同镜头，我地吾好咁大声讲嘢，我呢个姿势应该可以遮住镜头嘅角度，佢只会见到我嘅背面。」

我频频点头示意。

卓晧：「我要你帮我一个忙，系我对你最後嘅请求。」

我点头。

卓晧：「而家冇时间解释咁多，你只需要听清楚点做，我一阵间会用尽方法解开你手上嘅束缚，你着番我嘅衫，准备好後就跑去後面其中一格窗，我困响度呢几日已经将佢撬松咗，我会响呢度顶住个入口，你一出去就系冷气机散热器平台，呢度系三楼，你沿路消防梯就可以落到楼下，呢度系上水工业村，你尽快离开呢度，去到路口就有电话亭即刻报警。」

「咁你呢？」

卓晧：「你吾驶理我，我吾会有事，我自会有方法走，但系你走咗之後要帮我做d嘢。」

「做咩嘢呀？」

卓晧：「记吾记得我哋上一次响卡啦OK见面，果次我将一只USB手指藏咗响你个背包嘅底部，手指里面有一个电邮地址同密码，登入後你就知道一切」

「咁你．．．？」

卓晧：「你准备好未？」

卓晧冇等我答覆就开始做嘢，首先系解开我手上嘅束缚，然後自已除衫，除得一丝不挂後就跑去攞咗几个石油气罐推咗去入口处度，再用铁笔卡住入口度闸，同时间我就着好卓晧嘅衫，可能我哋嘅举动已经惊动咗果班人，听到急促嘅脚步声正跑近，跟住就系撞门声，我争取时间一个箭步跑到窗边，推开窗就跳咗出去，最後一次回头见到卓晧就系佢全身赤裸顶住度闸，同时间又好似做紧d嘢，但系太黑我根本睇吾清楚，呢次系我见卓晧嘅最後一面，我已经冇时间再睇啦，纵使多麽舍不得卓晧，但我相信卓晧更加吾想我比果班人捉番，令佢精心安排嘅计划毁於一旦，最後都系要狠下决心头也不回咁离开呢度．．．出面漆黑一片，我未到地下已经听到几下枪声划破寂静嘅夜空，卓晧会吾会有事呢？我真系好担心卓晧，但系我已经冇得选择只好继续向前跑，佢哋可能已经发现我由窗走咗，枪声开始由上面发出，有几颗子弹响我脚边刷过，我根本无时间再回头望，一路向前走，我真系好担心卓晧，远处开始见到一个电话亭，我欢喜若狂，但後面嘅一声巨响将我开心嘅心情打破，我回头一望就见工厂大厦嘅三楼喷出冲天嘅火球，再紧接几吓爆炸声，几分钟之间整幢大厦已经葬身火海．．．．跑入电话亭後我即打999．．．．

落完口供後已经天光，原来我已经失踪咗两日，我问伙记现场嘅情况，佢哋话果度系石油气罐工场，爆炸差不多将成间大厦烧光，里面搵到几具屍体．．．，我真系好担心吾知卓晧有冇安全离开现场，我返到屋企立即搵返藏响背包底部嘅USB手指，我居然完全咁耐都冇发现到，手指里面果然有一个电邮地址同密码，登入之後就见到卓晧写嘅一封信：

Ryan，

当你睇到呢封信嘅时候，我可能已经离开咗呢个世界，又或者已经同细佬好开心咁生活紧。我即将会偷渡返香港，我当日报料比警方後太急於要离开香港，亦都吾想一下子将我响集团攞到嘅大量黑钱调离开香港，以免引起警方同果班人怀疑，所以我就将大部份黑钱留咗响香港，今次返离就系要将ｄ钱滙番走，我知道而家黑白两道都搵紧我，我返离香港一定好危险，但系为咗要令细佬下半世嘅生活有保障，所以我都要冒险返香港，如果一切顺利，你应该吾会见到呢封信，所以而家我一定系遇上咗麻烦，你至会有机会睇到呢封信。我写呢封信嘅目的系好想你帮我做一件事，我知我呢个请求可能系好过份，但我真系搵吾到其他人可以帮到我，假如你肯帮我，就当系我今生欠你嘅一个人情，假如今生我吾能够报答你，就让我来生为你做奴做婢再报吧！！下面有我细佬嘅地址，我同细佬开咗个联名户口，里面有我带过离嘅部份金钱，应该可以够我细佬用一段时间，同时我亦都响瑞士一间银行用你嘅身份开咗个户口，将其他金钱入咗落去，你放心，呢间银行好安全，你嘅身份吾会曝光，我希望你可以用呢ｄ金钱照顾我细佬，假如我可以成功滙走响香港嘅黑钱，我都会滙入呢个户口，以防我途中有任何意外，金钱亦都吾会落入果班人手上，至於金钱嘅用途就完全由你决定，只要你好好照顾我细佬，其他嘅任何安排我都吾会有异议，呢封信後面就有户口有关嘅资料，我知道我呢个请求系好过份，但你系我响呢个世界上唯一一个可以信赖嘅人，所以我只可以求你帮我完成我嘅心愿。

我重记得你响荒岛上面讲过嘅一句说话：「幸福系要自己争取，吾好将来後悔．．．」希望你可以好好为自已争取将来嘅幸福，找一个可以伴你终老嘅另一半．．．珍重！！卓晧絶笔。

警方完成工业大厦嘅调查报告，现场找到五条屍体，其中三名系贩毒案嘅通缉犯，但系就搵吾到卓晧嘅屍体，呢个报告令我舒咗一口气，证明卓晧可能未死，但系佢而家响边呢？会吾会比果班人捉返呢？

根据卓晧比我嘅瑞士银行资料，上网登入果然有一个以我名义开嘅户口，结余重系天文数字，最後一笔嘅转账日期系卓晧写比我封信之後几日，应该系卓晧已经返咗离香港嘅日子，证明佢已经成功将香港嘅黑钱滙走，只可惜响离开前被果班人捉到．．．

我向差馆攞咗一个月大假，起程去搵卓晧嘅细佬阿Don，如果卓晧真系冇事，佢一定会返去搵佢细佬，咁我就好大机会会见返卓晧，呢个都系我唯一嘅心愿．．．

阿Don藏身嘅国家果然系非常偏僻，讲出离都冇人会知道响边度，我都系要查地图先搵到，经过转机几次先到达，当地环境就真系好好，风和日丽，天气好好，絶对系悠闲生活嘅好地方，卓晧都好识得拣，佢细佬就住响一间好偏僻嘅独立屋。当然，我最希望见到嘅吾系阿Don，而系卓晧。到达时已经接近黄昏，正在日落，就响染满日落红嘅长空下，见到太阳伞下坐着一个酷似卓晧背影嘅人正在远眺日落美景．．．．又谂起呢句说话：「幸福系要自己争取，吾好将来後悔．．．」，一个箭步跑上前．．．．．。

（结局）

本章已阅读完毕(请点击下一章继续阅读!)