「今晚有冇野做？」舍堂男神突然找我。

我有点惊讶地看着这个名字，也有点日子没见到他。

中学时期的他不算活跃，但「过了对面」後，就好像脱胎换骨一样，住进了舍堂，开展了最typical-HKU的大学生活。十天八天的舍堂迎新、每天晚上找大仙详谈、无时无刻被人责骂的MO，算起来可能也有几个月没见到他。

「冇呀」我回覆。

「今晚HKU见？」他问。

「冇hall野搞咩？」

「我推左呀，你ok e?」

「可以呀，几点？」

「9点後？今晚要做assig 」

「ok」

***

我步出地铁站，在东闸对面跟他会合，他一派轻松的打扮，手中拿着套上QFin保护套的MacBook Air。

「咁就温到书架啦？」

「系咁上下啦，电脑同一枝笔」

「返学都返到你咁型」我不禁失笑

「系我唔上堂姐」

「话说好似好耐见你」

「开左学几个月姐」

「都大半年啦，以前日日上堂见喎」

「住左hall好多野搞嘛」

「有咩做架其实？」

「宜家啱啱入去，要每晚逐个大仙咁去佢地房同佢地讲野」

「逐个讲咪讲到天光？」

「系呀一晚讲一两个，宜家晚晚都冇得瞓咁济」

我笑了笑没有回话，这大学很多的传统也是令人摸不着头脑的。

「咁你今晚有咩想做？」

「食糖水？」

「可以呀你带路」

「可可？」

「你识去我就ok」

「不过要睇下校队班人系唔系度，我ditch左佢地」

「撞返佢地就好笑啦，嘻嘻」

「系喎你宜家系咪拍紧拖？」

「系呀，有同你地讲架喎」

「我好耐冇追文啦之前系完全冇时间，咁呢个系…」

「男仔呀」我若无其事地接了下去。「你唔系觉得会系女仔呀嘛？」

「你之前唔系话男女都得架咩？」舍堂男神有点试探地问道。

「哗都好似系好耐之前架啦喎，中五呀？定中四？」

「好似你果阵同Charles件事果阵？」

「仲系Charles，哈」我对这个历史人物不禁失笑，「果阵其实都仲摸索紧自己嘅取向，又未接受到自己嘅取向住。」

「咁即系点？」

「咁我唔会突然间有一日起身，就觉得自己系基架嘛」

「要慢慢去确认？」

「当由细到大，都净系知道男仔系会中意女仔，但知道自己中意嘅系男仔，会好多野谂架。开头会谂自己系咪两边都得，之後就会知道自己对女仔其实唔ok」

「咁你中意就得啦，其实我就冇乜所谓，你系咩我都接受到」

「多谢啦，不过冇谂过你会冇啦啦问返，我仲以为系人都知。」

「咁听人讲，同你亲口讲系唔同嘅」

「咁你呢？仲未拍拖嘅，hall唔多靓女咩？」

「冇话边个有feel喎，好似突然身边太多人咁，一时间未有咩反应」

「你个hall唔系淫乱hall黎架咩？有冇食到先？」

「屌，食乜呀，我唔会乱黎罗」

我和舍堂男神走进可可，店内疏落地坐着几枱客人，没有校队的踪影。

本章已阅读完毕(请点击下一章继续阅读!)