究竟我身边有几多个隐形有钱仔嘅呢？

答案：至少两个。除咗Jerry之外，仲有Alvin。

训醒後，我约Alvin做gym。然後佢话：「好啊，嚟我屋企呀。」起初，我仲以为系去屋苑嘅私人会所，但原来个gym系喺佢。屋。企。里。面。

「叮、当」我轻轻一按门钟。急速的脚步踏着木板地，隔住道门都听到。

「Hi Will。」木门霍然打开，Alvin笑容满脸地迎接我，身上已穿上了运动服。

我把脱下的鞋放在门口附近：「Hello Alvin，打扰晒。」

「完全唔打扰！平时得我一个人住都好闷，难得你肯黎同我一齐做gym。」

Alvin住喺清水湾，自己住一栋两层独立屋，喺天台起咗个类似温室咁嘅玻璃房。佢买咗啲基本健身设施，於是喺屋企做埋gym都得。听佢讲，屋企人其实住隔离而已。之後，Alvin带我到处参观，佢屋企布置好有品味。出道以来得过嘅奖项，佢全部都放喺同一个架，上面仲有好多同亲朋好友一齐影嘅相片，回忆满满。

到咗天台时我不禁说：「哈哈，可以喺屋企做gym，真系羡慕死人。」

「呢啲系初哥嘅equipment嚟嘅啫，」Alvin搔搔头说，「要操到好似你咁大只就一定唔够啦。」

我走了一个圈，了解一下有什麽设备後说：「应有尽有，都好齐呀。你今日想操咩呀？」

「你话事啦教练，我听晒你话?啦。」Alvin把腰左右扭动，一副热身中的姿态，不过动作有啲诙谐，使我不能自制地笑了。

「咩喎，」Alvin嘟长个嘴说：「我呢排已经非常节制，无食零食?啦。」

「哈哈，Sorry，我笑系因为觉得你头先个动作好卡通、好可爱。」我连忙解释，但依然忍不住笑。

Alvin愕然了半刻，然後愐腆地跟住笑。

「Will，你唔系原本plan咗飞英国嘅咩？点解取消咗嘅？」

我打咗个突。虽然预咗Alvin会问，但系到咗真系要回答嘅时候，又无我之前谂得咁轻松。不过，我还是将事情简单地交代了。今朝同Jerry倾完，其实都接受咗，已经无咁难受。

听罢，Alvin欲言又止，好似正在考虑措辞，最後还要我再说一句：「你有咩直接讲得?喇，我OK嘅。」

佢望一望我，说：「咁你张机票点呀？」

没想到居然系问我机票，我耸耸膊头说：「都无得点啦。如果航空公司唔俾我改期的话，都无办法。」

Alvin若有所思，没有即时回应。我深深呼出一口气，好像掉转了角色，由我安慰佢般说：「唔使担心喎，我......」

「Will，」Alvin顿时语气坚定起来，整个人转身望着我，眼神肯定地说：「我依家就买张机票，今晚同你一齐去英国啦。」

我系咪听错？我下意识地反问：「咩话！？」

Alvin平心静气地重覆说：「我话，我买张......」我摆摆手说：「唔系呀，我听到你讲咩。我意思系，唔使...... 唉！痴线?咩？」

Alvin突然提出一个咁嘅提议，顿时令我分寸大乱，甚至有点语无伦次。

「我就系惊你一个人自闭过圣诞会痴线呀。」佢语气尽是温情，我也不好反驳，只摸摸佢个头顶说：「唔使咁喎。唉，我都睇化咗喇，一直以来虽然叫做拍拖，但其实咪又系自己一个人生活，无咩话适应唔到。」

「Will，唔好拒绝我。」Alvin忽然捉起我嗰只原本正摸佢头顶嘅手，放到鼻前轻轻磨。「当系陪我去旅行罗。」

我想再叫Alvin等等，冷静啲先。然而，佢眼神透出无限嘅关心和坚持，默默地等我答应。

「Alvin，你、你真系......」

我叹了口气。恐怕，我系拒绝不来的了。

《第10章：圣诞前夕》完

Yeah，今次无开空头支票，顺利喺圣诞前更新～

时机稍纵即逝！Jerry尚未表达自己对Will的感觉，Will就有被抢走之势！点算呀？

大家不妨写低你对故事发展嘅预测同期望，我都好想知道读者嘅想法?

本章已阅读完毕(请点击下一章继续阅读!)