van向我扬一扬眉说：「你唔好失守呀。」

之前鲨鱼仔解释完，我好似认识咗个新世界咁，例如member原来系「基佬」嘅暗号，同埋好多member都锺意幻想拗挛直男。不过，我始终系bartender，啲客人应该唔会太猴擒吧。

我笑着回答：「师兄，你都系个鲜肉黎喎。」

「我点同呢？」Ivan清澈的眼神藏着一点自豪：「呢度个个都知道我有女朋友啦，而且仲喺度识嘅添。Jerry你咁大只，自己睇路喇，哈哈。」

话虽如此，Ivan大概都系讲笑而已。其实啲客都好nice，虽然有人问我IG，又或者叫我谷手瓜、一齐影相，但始终无冇乜过分嘅要求，我反而又觉得几好玩。

因为有我顶上而顺利脱身嘅鲨鱼仔，则同一朋友吹水玩游戏。

鲨鱼仔嘅举止逃不过我的双眼。佢全晚跟旁边一个身形较为娇小、样貌童颜的男仔非常亲密。鲨鱼仔左手长期揽住对方条腰，两人经常喺对方耳边讲嘢。同其他客倾计得知，好似鲨鱼仔呢类游水健将加bad boy气质嘅男仔，都颇受member欢迎，难怪咁快就捕捉到猎物。

「喂喂喂，过黎睇，Alvin个IG有正嘢呀。」坐喺吧附近的一个男仔叫唤着佢朋友。

虽然世上有无数个Alvin，直觉上我却认为佢所指嘅，同我脑海中系同一个人。我不自觉地走近两步，却继续低头调酒，掩饰我偷听佢地讲嘢。

「车！我唔会再信你嘅审美观?喇。」一位比男仔年长、穿上红色外套的朋友说：「成日都话有正嘢，到最後咪原来又系一般货色。」

「唔系呀，」男仔尝试说服佢朋友说：「系嗰个大只龙舟仔呀。」

我个心登时离一离。

那位红色外套的朋友把手机从对方手中取过来，看了一眼後说：「睇过...... 系喎！两个人圣诞节喺London撑脚锯扒，点晒蜡烛，仲唔系晒恩爱？」

喺嗰一刹那，心跳彷佛停顿了。

呼吸也停顿了。

连脑袋都空白一片。

两人将电话给其他人传阅。似乎自从Will同Alvin去义工trip、龙舟赛Alvin又去捧场、两人一齐做gym等等，Will不断喺Alvin IG出现，吸引咗好多member的注意。嗰位穿了红色外套的客人，起初仍在质疑男仔嘅审美观，依家竟然甚至用「couple」来形容Will同Alvin。

我真系无谂到，Will竟然系同Alvin一齐去伦敦。佢俾我嘅每张相都系selfie，我千万都估唔到身边居然仲有Alvin。唔通Will系特登唔同我讲？

「喂，Jerry！做咩发晒呆呀？」

依稀听到有人叫我，我马上回过神来：「？咩事？」原来系Ivan，佢指一指我手上的酒杯，原来斟满咗都唔知，泻晒出来。

我连忙拿布清洁，心里却好似被掏空咗咁，非常难受。

「Sorry，我去一去toilet。」简单同Ivan交代，我便带着头痛冲向洗手间。

此时，心里有另一把声音却跟我说：你系Will边个先？唔通人地同Alvin去边都要你批准呀？

无错，我当咗自己系Will边个呀？我只系佢...... roommate，最多系朋友而已。Will无任何责任同我报告同行嘅有啲咩人。难道佢同姨妈姑姐去，又要同我讲？

此刻，我心中好似有好多好多声音同时发声，争吵不休。理智上，我知道Will同边个去旅行，其实与我无关。然而，我真真实实地觉得难以忍受。

我很清楚，自己心中充满了失望和妒忌，还有愤怒和後悔，彷佛...... Will原本就系属於我的。

《第11章：误闯基地（上）》完

抱歉了，很多读者都期待着3P，恐怕又要你地失望了。不少人都期望Jerry飞埋去英国抢番Will返来，但可怜的Jerry居然系唔知道Will系同Alvin一起飞?！呜呜呜......

自开始写故事的这几个月来，多谢大家一路而来的支持，不论是简单的留言，还是忠实读者的意见分享，我都非常珍惜。虽然我未能次次回覆，但每次有读者留言和讯息，我都有一一睇晒！知道有人期待着自己的作品，十分有满足感，系我这两个月来每天（从地狱）放工後的一大精神支柱。希望大家会继续支持，多多留言推po。有更多人追看，我就更有动力抽时间写作吧哈哈哈！

祝大家新年开开心心，一切顺风顺水！我地2019年再见！

本章已阅读完毕(请点击下一章继续阅读!)