ody!」

全个酒吧嘅人都嗌出耳熟能详嘅歌词，我手臂勾住Dandan，左右摇动紧我嘅身体。就算呢啲歌听过一千次一万次，每个星期五六都播，但仍然系基佬们最high嘅标志。

谁对谁有意思 谁共谁大日子

我望住啊Chris，佢又望住我，露出佢迷惑人心嘅笑容。

位位都可变天使

全场嘅男人都大声欢呼，无论发生咩事，只要依然可以醉倒喺酒精同音乐之中，就好似一切都无所谓。圣诞节又好，新一年又好，我地都捉紧呢个一贯嘅教条，无论如何，我哋都系醉生梦死嘅一群人。

「喂，次次落嚟都见到你嘅？你喺咪住喺度?？」

Marcus清脆嘅声音喺我耳边响起，我拧转头，见到佢同两个friend咁啱喺我後面。

「咁我每次落嚟都见到你喎，你系咪又住喺度?？」

互相介绍之後大家都认识咗对方，而Marcus其中一个friend完全眼甘甘咁望住啊Chris，而啊Chris都对佢投以挑逗嘅眼神。我唔想俾人睇到我不悦嘅神情，所以唯有极力摆出无所谓嘅样，但其实真系好攰。有时我会问自己，你以为自己系佢边个？就算发癫，都未轮到你啦。

我同Marcus又倾咗几句计，旁边嘅Anton已经fing到忘哂形，Dandan又变多一round rainbow出嚟，请新朋友仔们饮。我再自队咗一杯Jauger之後，开始有啲语无伦次，手多脚多，揽住dandan上下咁跳。但系，我仍然非常留意住侧边嘅啊Chris，新仔好快就同佢打得火热，两个kiss到旁若无人咁款。

「哗，你个friend，好主动喎。」我半嘲笑咁向Marcus讲。

「你个friend咁正，年中都唔少仔自己扑埋去啦。」

「系呀，我已经，睇惯哂。」

其实呢句唔完全系大话，因为每次啊Chris出嚟，都实会以食仔作为目标，所以，我已经对呢种情形太过熟悉，但唔代表已经无哂感觉，就好似已经结痂嘅伤口，但无啦啦揭开，发现入面仲系流紧血。

自我沉沦一排之後，我决定唔应该咁颓，毕竟今晚咁多仔，无谓放弃成个海入面嘅鱼。我拉Anton出去舞池中间度fing，虽然无人行埋嚟媾我哋，但起码我自high得好开心。但系，我一个唔小心反射动作望咗啊Chris一眼，见到佢完全无留意过我，然後发现我根本，只系当佢无其他target嘅时候，先会望到嘅一个人，当出面有更值得睇嘅嘢嘅时候，我根本唔会系佢脑海入面掠过。

呢个时候，我觉得我需要头脑冷静一下，所以我同咗Anton话去toilet，然後就左推右?行出人头涌涌嘅酒吧出面。我望住人来人往嘅走廊，後楼梯传嚟浓烈嘅烟味，我唯有向洗手间方面行。已经饮咗好几杯嘅我，脚步有啲唔稳，厕所门口嘅人龙好彩唔长，我挨系灰色嘅墙上面，仲谂紧头先嘅事。

後楼梯度门打开，一对黑色vans踏上黑色嘅地板，我心入面一怯，向上一望，深蓝色嘅牛仔裤，Gel起All back 嘅头发，凌厉嘅眼睛，同埋我kiss过太多太多次嘅嘴唇。我唔小心睄到呢个太过熟悉，又太过陌生嘅面孔，呢个我以为我唔会有机会再见到，呢个我已经八个月无见过，呢个我不断同自己讲唔想再见到，但又好想见返嘅人。

「Vi！」

我嘅前男朋友，Vi。

—————

呢个星期嘅进度喺极之缓慢

原本想铺咗少少先

但系呢半章好似完全无睇头

希望大家唔好介意

22楼除咗系天堂，

有时都系残酷嘅修罗场。

本章已阅读完毕(请点击下一章继续阅读!)