」

我先至发现，原来我嘴角无意中构成一个好憨尻嘅弧度，傻更更咁望住Daniel笑。Shit。真系羞家。

「无啊，我谂紧，可怜你圣诞节无仔陪，咁我捱义气，就做你一日出租男朋友咁大把，当益下你啦。」

「哗，你几时转行做part time boyfriend?？唔得?会穷?喎。」

「屌！」我忍唔住笑咗出嚟，「咁你包我罗，Daddy。」

「哗，哈哈，做你Daddy添呀，好啦，见你无客咁惨，就做你一日知客啦。」佢半开玩笑咁讲，但佢眼睛嘅笑意突然变得认真咗一下，又转瞬即逝。

系呀，有啲笑话，都系基於潜意识嘅心底话。我心跳又紊乱咗一下，犹豫咗一阵，究竟咁样系唔系一件好事。

「好啊老细，咁今日老细想去边啊？系咪带我去游车河？」

食完嘢嘅我哋，又上返车上面，Daniel?紧手机，好似搵紧啲唔知咩咁。

「唔?陪我去个地方，唔知今日公众假期有无开添?」

GPS带领住嘅车軚带领我哋驶出红隧，假日嘅车流唔多，专心揸车嘅佢唔系好多嘢讲，而我就屈起双膝坐喺前座度碌手机。柔和嘅阳光洒入车入面，身边嘅车辆一架架咁飞过，系架车经过唔知几多个街口，转咗唔知几多次弯之後，好似终於慢落嚟。

沿住摩地道前行嘅车，好似闯入咗另一个时空。尖东嘅商铺依然好似停留喺八十年代尾，一切都系咁陈旧得黎，又有啲韵味。我对尖东嘅记忆，好似仲停留喺细细个，啊妈带我嚟睇灯饰嘅回忆。圣诞节灯饰好似依然系尖东嘅噱头，但仲会唔会有人嚟睇呢？

「哗，好日都唔嚟呢度一次喎我，有咩好行啊？」

「阵间你咪知。」神神化化咁，都唔知佢做乜，但系，我又有少少期待。

我哋泊好架车，我跟住Daniel，行上楼梯，见到两座博物馆。

「行博物馆呀？小学之後就无嚟过啦喎？」我好疑惑咁就住佢，佢笑咗一下，

「有无咁耐呀？好玩?，信我啦，不过唔知今日有无开呢？」

佢行去科学馆前面，快步咁行过去望下，然系兴奋咁向我招手，

「喂，有开啊，过嚟啦！」

见到佢个样好似细路仔咁，我又唔小心笑咗一下。

细路仔嘅喧闹声一入去就听到，我左边嘅范围好似传嚟一啲机械嘅声音，一个球体沿住路轨碌落嚟，嚟咗咁多次科学馆，我都唔知呢旧嘢其实系咪嚟。一路直落地下嘅我哋，漫无目的咁周围行嚟行去，但望住佢个样，唔使点解我觉得佢好搞笑。

「喂！过嚟呢度呀！呢个好玩?！」

我同佢行入咗呢个「镜面世界」，一幅一幅嘅哈哈镜将我哋嘅身型拉长?扁，我见到镜面，下意识地照多两下，执执个头同个样。

「使唔使哈哈镜都咁贪靓啊。」

「唔系点氹掂老细你呀。」

「你真系?做戏做全套喎?」佢忍唔住笑咗一声，然後从头到脚咁打量咗我一眼。

「喂行啦，仲照。」佢拉起我只手向前行，佢手掌嘅磨擦令我手心好似触电嘅感觉，明明寻晚先拖过佢只手，但系情景唔同，勾起嘅感觉都有所不同。佢轻轻拉起一下就放开，唔知系唔想公众场所表现得咁亲昵，定系因为我同佢之间有条尚未跨越嘅线。然後我必须提醒自己，只不过系玩吓扮吓，唔好太认真地解读所有嘢先啱。

「先生，拖手要加钱?喎。」

佢望咗我一眼，然後就笑笑口咁话，

「乜我唔系要全包套餐嚟架咩？」

我笑咗下，无答佢。博物馆入面嘅灯光忽明忽暗，我同佢兜兜转转，行咗好耐就先出返去。

————————

我都话?啦

副作用出现嘅时候

避都避唔到

尤其是系一个识揸车

（带我游车河真系加好多分?）

又有钱又聪明又温柔嘅男仔

好似形容得佢太完美

其实佢无咁好

应该话 越完美嘅人 就越有缺陷

虽然我最近真系好鬼死懒

不过

我都有努力写?

但系都系进度缓慢

俾个限期俾自己

约定你星期六返嚟

我会更新的

本章已阅读完毕(请点击下一章继续阅读!)