油尖旺金毛玲 最怕有闪电

想起旧爱明仔还过电

「咁你觉得?你去到嗰个成熟嘅阶段，嗰个人就会同你一齐？」混浊沉淀过後，好似，有啲嘢都清澈咗。

「唔?唔啦，我已经无再想同佢一齐，就算佢肯，我都觉得我哋已经错过咗，更何况，我已经唔觉得我会再有机会见返佢。但我觉得，我好想成为佢口中所讲嘅我自己。」

「咁你觉得，你去到嗰度未？」

更加想起那天书生的笑脸

想到自己突然很想很想改变

「我都唔知呀，或者，我第日睇返转头，先可以话俾自己知，究竟我几时先系叫做去到咗。」

偷偷唱着这曲幻想他听见

「所以，与其话我等紧一个人，不如话，我等紧我自己。」

再见不到也许人生少不免

但金毛玲 何事秋风悲画扇

我拉近披住嘅褛，我知道今日嘅我只不过系一个填满空隙嘅代替品，但我唔介意，因为我又何尝唔系当佢系同样嘅嘢，我唔知道，究竟系想要Vi定系Chris喺我身边，又或者系边个根本无所谓。

我好自然咁俟喺佢膊头上面，佢都好自然咁手指公喺我手背上面来回咁扫。

「夹硬要你听咗好多呢啲嘢添，搞到你圣诞节都好似好抑郁咁。」

「唔系呀，我觉得好开心。」

有一个人信得你过而同你倾诉，其实都系一种好温暖嘅感觉。

一首歌嘅完结，紧接住另一首歌嘅开端。音乐由郁涩变得柔和，Ed Sheeran嘅浪漫歌词令在场嘅情侣都好陶醉咁样。我轻轻转向Daniel，佢都转向我，然後，我同佢嘴唇，又下意识咁连接埋一齐。

因为醉到断片嘅我已经唔系好记得寻晚嘅细节，但系同样嘅嘴唇好似refresh咗啲记忆，佢温柔嘅脷尖好轻咁撩动我，我慢慢咁仔细记录住呢一刻嘅感觉，微弱嘅音乐，人群嘅杂声，海水嘅咸味，十二月夜晚嘅温度，佢嘴唇嘅触感，佢手心嘅粗细。

直到呢一分钟嘅一切，都承载喺心入面嘅一个盒入面，关闭，锁上，我同佢先至有默契咁缓缓拉开。我擘大眼，佢嘅笑容好似少咗一啲苦涩。

「使唔使加钱呀锡咗？」

「全包?嘛。」

唔经唔觉，原来已经坐到好夜。我睇咗一阵手机，望下仲有无车返屋企。我都唔明点解我要拣今晚返屋企，而且我仲咩都无喺hall拎返屋企。但应承咗嘅，而家先甩底唔返屋企，好似好衰仔咁。Daniel一如平时地提出车我返屋企，虽然唔系好好意思要佢车咁远返新界再返港岛，但我又好想享受私人Uber X服务，同埋，我都唔想今日，咁快完。

引擎又一次随住锁匙嘅转动而发动，慢慢加速嘅车好快就由尖沙咀出到三号干线。好耐无经过呢条路，深夜嘅高速公路只系得两三盏车尾灯同埋一排排嘅路灯陪伴。两边嘅高楼大厦，就算好整齐咁一排排列成屏风，喺黑夜之中睇落更加孤独。货柜码头入面庞大嘅支架同埋一栋栋整齐嘅货柜由前面涌入我左边嘅车窗，闪烁嘅灯光令我无办法抽离我嘅视线，我望住呢度咁多排咁多栋嘅货柜整齐咁放喺度，突然好想将我嘅所有情绪，所有感觉，全部倒喺一个货柜入面，任由佢载上一艘趸船上面，然後倾泻喺唔知边一个远方嘅码头上面。

白色嘅车停喺蓝巴勒海峡嘅旁边，我指示俾Daniel知边度转入我屋企条路。红色嘅车尾灯亮起，指针指向零，熟悉嘅街道就喺车窗出面，但我唔想落车住。

「到啦。」

「?你一阵返去咪好远罗。」

「都只不过半个钟遮。」

「好啦，你小心啲喎。」

「好啦。」

佢望住我，我解开安全带，我觉得好似要讲啲咩咁。

「咁简单就请到做咗你一日男朋友，你有赚啦。」

「我做埋你私人司机喎，你仲想要咩酬劳啊？」

「你谂下罗。」

「最多俾多个Goodbye kiss你。」佢好似，可以望到我谂紧咩。

佢慢慢向我倾过嚟，然後望住我嘅嘴唇。我都稍微向前倾，接上佢嘅kiss。就咁好轻一吓，我同佢嘅一日男朋友，就嚟到呢到。

「多谢你。」佢细细声咁喺我耳边讲。

我笑一笑，行咗落车，然後同佢挥挥手，望住佢红色嘅车尾灯慢慢远离我。直至车尾灯喺街尾转弯消失，我先好似如梦初醒咁，行返上楼。

好耐无返过嘅屋企，唔知点解，突然觉得好似比起Hall，返屋企，终於无咁孤独。

但系，一返到屋企就好似丧失私人空

本章尚未完结,请点击下一页继续阅读---->>>