嘢？定其实你想有多啲?」

佢好似好困惑咁望住我，

「其实，我唔想每次出嚟都净系搞嘢?我觉得?你唔系好想同我spend time 咁?」

我越讲越细声，

「每次我出黎你都唔系好开心咁，系得我同你搞野嘅时候你先开心啲。」

我望住佢，佢都停顿咗一下，我谂我而加个样应该好逼切咁等佢嘅答案，令到佢眼神都显得有啲不知所措。

「其实同你做朋友我真心开心既。」佢开口，我已经知道佢下一句系咩。

「如果话去到情侣老实讲就唔会啦。」唔知点解，我有种已经估到嘅感觉。

「但系同你搞野系几啱feel既，」

「即系你想做fwb?」

「咁人人都有需要架嘛，作为朋友我觉得你好好呀。」

「?其实，我谂我搵紧嘅系LTR多啲。我谂，我而加都系唔想同人搞嘢住。」

「即系我地唔会再见？点解唔可以一齐搞野？你都可以搵住LTR先。」

「我唔想当我搵到之後，仲有个SP，太复杂啦。」

「就算我哋唔做情侣，就唔可以扑嘢？」

「Sorry呀。」

———————————

「就系咁？」Benjie 饮咗一啖我支Ice。我挂住讲，佢手上面支嘢饮哂，我都未饮够一半。

「系呀?我应该唔会再见佢啦。」

「你真系咁唔想扑嘢，唔想到连做住fwb 先都唔得呀？」

Benjie 似乎唔系好理解咩叫唔想扑嘢。

「我已经好攰啦。我唔想再系咁搵啲三唔识七嘅人扑嘢，扑完又无下文。然後自己一个唔知做咩。好似越系搵fun，就有一个缺口越嚟越大。」

「灵魂嘅空虚。」

Benjie 呢五个字，啱啱就系我想要表达但又讲唔出口嘅五个字。

「系呀，就系呢种感觉。」

「我都明嘅。有时我都会有呢种感觉。」

「系咩，我以为你好中意搵fun添。」

「哈哈。」Benjie两下好轻嘅笑声，唔知点解我突然发现，可能佢同我，比我想像中有更多共同点。

「唉，虽然我真系唔算好锺意佢，但系唔知点解我都仲系有少少唔开心。」

「都正常嘅，如果咁你都有认真谂住同佢一齐?嘛。」

「其实?我都唔系真系好了解佢，我连佢喺边度返工我都唔知。」

「咁其实，可能你只不过系想拍拖，将你嘅感情投放咗喺佢身上面啫。」

「可能系啦。」

十一点半嘅西环码头，同咁多次我嚟过一样，都系一样咁无趣，唔知有咩好打卡。但坐喺度望住个海，真系好舒服，同埋好冻。我饮埋最後一啖Ice，得5%嘅酒精完全对大脑无任何麻醉嘅作用，柠檬嘅酸涩喺牙缝之间流走。

「走啦。你系咪返Hall?」

「梗系啦，夜麻麻俾你叫到嚟西环，唔通仲返屋企咩。」

「你咁轻便嘅，macbook都无部。」

「我摆咗喺Hall。」

我突然醒觉起一啲嘢。

「系喎，你知唔知你新Roommate系边个？」

「唔知呀，听讲今日啱啱搬入嚟。都未有人add佢入楼Group。好似叫Thomas？你有无见到佢呀？」

「无喎。」好难先忍住唔笑嘅我，望住Benjie行返出去马路嘅背影，谂紧佢见到佢Roommate，唔知会有咩反应呢？

「可能系hehe呢？」

「边有咁多基佬呀。」

「我哋间Hall咁出名，都真系引咗好多基佬入嚟架。」

「朋友，你都系返Hall食蕉啦。」

—————————

呢章好似无咩substance咁

唔知大家对Anton嘅故事有无共鸣呢

其实，真系节录自真实p对话

系一段，无疾而终嘅经历

我对故事嘅发展都越嚟越唔知去紧边

所以 都系见步行步啦

最後 唔好再排Arabica唔该 自己Search点解

本章已阅读完毕(请点击下一章继续阅读!)