oday. Maybe you eat with your friends?”

What the fuck. 我等咗佢半个钟，推哂啲friend，然後佢放我飞机。

我心入面嘅不满已经超越咗可以忍耐嘅地歩。

p 上面仍然弹咗几个唔关事嘅message出嚟，令到我嘅恼火更加沸腾。

一个完全无意义嘅回覆。我bluetick咗佢，将手机放入西裤袋，然後步出冷气房。

手机又「叮」一声，我拎起手机，期待见到Hugo嘅回覆，但净系见到继续系Anton嘅message。我暴躁咁?咗两下电梯大堂嘅制。啱啱行出嚟嘅女同事搭嗲咗两句，

「Chris哥今日好迟先食饭喎。」女同事矫柔嘅声线真系令人唔觉意打个冷震，而喺我今日就心情唔好嘅情况下，更加令我烦扰。

经常无事献殷勤，有事就搭嗲嘅佢，明眼人都睇得出呢个女同事一直都想媾我，但好可惜地，我系100%基嘅。如果唔系因为今日心情唔好，平时我都会应酬一下，但今日我真系唔想理佢。

「系呀。」

个女仔好似听唔出我语气中嘅不悦，继续问，

「咁，你去边食啊？」

「唔知。」

「转角新开咗间茶记好似好好食喎。你会唔会想试下？」

「今日唔系好肚饿，下次先啦。」

「叮」一声电梯到咗，我行入唔算太逼嘅电梯，喺裤袋攞出手机，意图令跟住我嘅呢位小姐识做唔再搭嗲。一打开电话，就见到同Hugo嘅对话，又令我心情更加困扰。电梯门一打开，我就快步离开呢个就嚟压抑到我透唔到气嘅地方。

一月中嘅中午，竟然有成二十度，好似夏天咁热。着住白色恤衫嘅我，喺海富中心出面嘅天桥行过，夏悫道嘅行车畅通，桥上面有撕过嘅纸碎，令我更讨厌每日坐喺添马舰嘅呢份工。

我穿过海富中心，行过金钟廊，所有啱啱放饭嘅人都逼喺商场入面，前面嘅两个OL讨论紧最近追紧边套韩剧，後面嘅人就好大声咁倾紧去放大假去日韩定台湾，一切都咁约定俗成，一切都咁，ordinary，毫无刺激感。

经天桥驳入太古广场，就算喺冷气入面，我件白色恤衫都因为出汗而变得有少少透。搭扶手电梯企我後面嘅人，拎起手机，喺我背後映咗几张相，喺窗边嘅倒影明显咁反射出嚟。我忍住front佢嘅冲动，只系希望可以快啲行开。我唔知佢啲相会今晚喺边个twitter见到，但holy, I don’t give a fuck already。

喺太古广场嘅另一边出口，我沿住金钟道，转入皇后大道东，经过PP3，再沿住斜路向上行。红绿灯声喺我身後面拉远，人流稀疏嘅小路，比头先嘅大路更加宽阔，我开始放慢脚步，望住身边嘅铺面开始改变。

星街路牌喺我面前出现，蓝白色嘅垃圾收集站喺太阳嘅照耀下面都好似变得更加有艺术性，我转个弯，见到我嘅目的地。白色装修嘅cafe座位唔多，甚至要伸延到户外嘅位。比一般茶餐厅或者快餐店价格高啲嘅cafe，唔似隔两条街外嘅食肆，喺繁忙时间大排长龙，而一般返office嘅人，更加唔会有时间坐低饮一杯咖啡。如果唔系因为我咁憎嘅呢份工又high pay又孜悠，我都唔可以坐喺度order 一杯 overprice 嘅 amerio。Well, isn’t it ironic.

唔知点解，每次一觉得烦燥嘅时候，我就好想过嚟呢度，好似呢度系我嘅Safe haven。我戴上noise celling 嘅耳机，最近好中意听psychedelic啲嘅音乐，自从由Spotify转咗去Apple Music，无哂我以前收藏嘅Playlist，但就帮我发现咗好多新歌。Amerio嘅酸涩同埋甘苦味刺激住味蕾，柔和嘅电结他chord同爵士鼓被夸张嘅reverb嘅主音仅仅盖过，同出面宁静嘅街道交织，出奇地calming。

喺隔离街，绿色嘅铁皮屋，陈旧嘅玻璃窗入面，系间价唔廉物唔美嘅茶记，但又屹立喺呢度几十年，同周围嘅cafe，specialty restaurant，couture designer，同埋一大堆gentrification带嚟嘅新铺头抗衡。仕绅化为呢个neighbourhood带嚟一啲新鲜感，对比起下面，日月

本章尚未完结,请点击下一页继续阅读---->>>