homas嘅倒影，

「好攰啊，我谂我差唔多训啦。」

「okay, get better man.」

唔知医学院嘅人系咪都有少少悬壶济世嘅心态，面对住我呢啲又腌尖又孱弱嘅病人，Thomas都好似好细心，好有耐性咁。唔止每餐都会买啲嘢返嚟，仲有间唔中嘅嘘寒问暖，令我呢个病人都唔好意思病咁耐。训醒就饮水食嘢，然後?阵手机，又训返，唯一离开间房就去厕所，新年假好似好快就过咗，宿舍好似又多返拜完年嘅人，人声又由十二点钟收皮，去到夜晚两三点都仍然鼎沸。

「点啊，死得未啊你。」Anton嘅头喺门後面仲入嚟，

「死捻咗啦。」我连头都懒得抬起，眼睛望咗佢一眼又返返到电脑嘅萤幕上面。

「你睇吓我对你几好，我带咗你最锺意嗰只饼俾你喎。」佢兴奋咁摇一摇手上面嘅饼，我反咗个白眼，

「A. 呢只饼系你最锺意食罗好无， B. 楼下就有得买啦，唔好讲到你好似攀山涉水买俾我咁。」

「喂啊，咁冷淡?。」

「得啦，叻啦，你最叻啦。」

「快啲食啦，呢只饼真系好好食?！」我面前呢个人已经开咗包饼自己食紧。

「喂，你唔系俾我食?咩？」

「你都唔食。」

「我未食咋嘛」

「嗱，啊—」佢拎起一块，摆喺我面前好似要喂我咁。

「得！我自己嚟，」我伸手想要接佢块饼，点知撞到佢只手，块饼就跌落窗台同埋床之间嘅罅隙。

「喂啊?好唞食物罗?唔俾你食啦」Anton口入面仲有一块饼。

「我都未话你啊，而家点拎返出嚟啊。」「无架啦。」

「屌啦，好污糟啊。」「一块饼啫?」

新一个星期嘅来临，代表短暂嘅假期已经完结，课堂又开始，人头由开始来来往往各间课室。星期三嘅下昼只不过喺一个好平常嘅日子，仲有少少咳嘅我喺白色嘅钮鲁诗大楼行出嚟。

「喂我想食啲嘢先喎。」我隔嚟嘅Jackie提出。

「CYM下午茶？」

「好啊！」

「喂我啲嘢做，阵间嗰堂你帮我take notes?」

「又走堂啊垃圾屎陈进彦。」

「返Hall训觉咋？」

「唔系啊，真系有嘢做啊，帮我抄notes啊！」

「得啦。」

东闸嘅石门矗立喺我後面，有三个内地游客喺前面映相，红灯嘅滴滴声令我越嚟越唔耐烦，我盼顾咗左右扭转嘅马路，无视红灯嘅警告，横过无车嘅马路。以前传统舍堂挂喺对面马路嘅横额唔知几时拆咗，我哋好锺意J嘅Blaw男神都唔知几时Grad咗。

我行到去前面嘅巴士车站，一架绿色嘅小巴好快就到咗，然後穿越西半山一条条横越豪宅区嘅路。般咸道转入坚道，转落中环再入坚尼地道，红色嘅车速计上面数字不断升跌，我望出车窗，香港公园後面嘅林荫大道，系我好日都唔会嚟一次嘅地方。

「圣若瑟小学有落呀唔该。」

司机举起左手，然後转入皇后大道东，喺天桥底下放低咗我。我行到去诊所门口，深呼吸咗一口气。

———————

如果系乖宝宝，兼系港岛人，应该知我去紧边啦？

首先，唔好意思，原本呢真系谂住继续写星期五晚嘅事嘅，（仲有长达两章嘅故事，我仲有一章好辛苦地写紧）

但系呢，喺我脑海入面发生嘅事实在太混乱，写足我五个月都未写完，

於是喺我恼羞成怒底下，我决定卖个关子先，因为我唔想再留喺兰桂芳间club入面（写到我都对蒲有啲恐惧）

大家放心，喺接下嚟章节会插返入去，你哋要睇嘅嘢系唔会无嘅 而且其实都几具资讯性下

另外呢，其实呢个家庭线都铺排咗一阵，（都只不过系一两句啫）

好似见亲啲人讲同屋企人出柜都系啲好和平，好愉快嘅经历，咁呢，就并非我的case，

但Benjamin（唔系我）嘅case都有少少extreme，大家就纯粹课外阅读啦

仲有就喺，今个星期发生咗少少好令人兴奋嘅事情（非色情），令我唔小心用Benjamin嘅身份又仔细咁写多次，写完之後先发现好适合做大结局/後记，但又好想俾你地睇，唔知你地想唔想睇，但内含成个故事剧透，所以就，我仲谂紧。定喺我写定四篇後记好呢？真系好复杂嘅决定。

最後，多啲留言帮我推下文啦，我会好感激你?

本章已阅读完毕(请点击下一章继续阅读!)