药。」

佢望住前面头发白哂嘅啊伯，自己一个栋吓栋吓咁笃入嚟，喺我哋面前坐低。我唔知佢嚟睇咩症，唔知佢背後有咩故事。但我知道，佢自己一个嚟诊所，无人陪佢，亦唔会有人扶佢行楼梯落去攞药。就咁，自己一个人。

我望一望隔离嘅座位，虽然佢而家粒声唔出，但我好好彩我今日唔系自己一个人。真系好好彩。

「诶?唔好意思?」有个睇後生嘅男仔行埋嚟，「请问有无人呢度坐架？」

明明周围咁多位，唔知点解佢系都指住我侧边，Benjie个位。

「呢个位?嗰度?」我环绕四周望咗一吓，唔知几时，等候区的确多咗好多人，个个都摆低个袋，好似真系无咩位。

我望一望侧边嘅Benjie，我眼前嘅Benjie突然变返做我个背囊。唔知几时开始，我当咗个背囊系Benjie咁同佢倾计，虽然佢唔会应我，但系我谂，我大概都知真嗰个Benjie应该会同我头先谂嘅回应差唔多。我都唔知点解我会特登今日想同Benjie倾计，可能因为咁多人入面，可能真系佢先最清楚我。不过，就搞到我差啲呃埋自己，唔记得咗「佢」只不过系一个背囊。

我都只不过想有个人同我倾吓偈，等呢几个钟等候时间无咁难过。所以，就算系一个背囊，其实都无所谓。

因为佢可以问我有无唔开心。因为佢会问我点解分手。因为佢可以问我究竟点解仲要返呢份工。因为佢可以问我将来会点。佢可以问我，究竟我真系点谂，而我又真系会同佢讲。因为原来，我都好想，有人喺五年後，无论我去到世界边个角落，都仲会记得我。就算佢只系一个背囊，系我构想出嚟嘅Benjie。因为我同亲真嘅Benjie讲嘢，都只不过系有性无爱嘅经历，我更加唔知点样开口，我更加唔识得。或者我都系今日先，原来喺我嘅意识底下，原来仲有一个咁嘅人。

我拎返个背囊，揽住放喺大脾上面。唔知点解，最近Benjie系咁避开我，就连之前佢自己嚟呢度验，都唔同我讲。去到而家三个星期之後，结果出咗，先至好简略咁同我讲声，叫我自己嚟验。我望一眼呢个阴沉嘅地方，自己一个喺度等都真系几唔舒服。

「何浩成，请到5号房。」

「陈进彦，请到检查室。」

我推开房门，喺木枱前面嘅胶凳坐低。唔知点解一坐上张凳上面，就觉得好拮。

医生对过我嘅资料之後，打开硬卡纸快劳，拎咗几张纸出嚟。我双手喺牛仔裤上面抺走汗水，我望住佢反光嘅眼镜，等紧佢开口。

「咁帮你Ru啦，咁HIV，梅毒同埋乙肝都系ive嘅。」

最重要嘅都无事，令我松咗一口气。

「淋病都无啦，椰菜花都无嘅?诶，不过就check到有衣原体感染嘅。」

每次验血，其实都系赌博嘅心态嘅我，只系中咗衣原体，简直就已经系输少当赢。

「咁阵间出去就等嗌名，去隔离房，佢会俾一剂抗生素俾你嘅，食咗就清咗?啦，唔使返屋企食药嘅，不过就都建议你三个月之後过嚟覆诊check多次啦。同埋其他都有空窗期嘅，咁都系最後三个月check一次啦?」

我就咁行返出去，终於可以放低一直捉紧嘅拳头。但系，我知道，有个人我要通知。

「陈进彦，请到5号房。」

——————————

大佬Chris，其实心入面都系一个空虚寂寞冻嘅小朋友

好似帮佢洗白咗少少

唔知你哋睇到一半有无发现呢个Benjie同平时好唔同呢？

仲有佢无声嘅演出

好想仔细咁描述一吓Chris嘅内心世界

但又唔想好似独脚戏咁

所以搵咗幻想Benjie出嚟同佢倾吓偈

唔知大家会唔会，喺好惊嘅时候幻想个人出嚟同你倾偈呢？

喺我嘅脑海入面其实每个角色都有好丰富嘅back story

但系一次过将Chris嘅故事倾泻出来

所以搞到好似好跳咁

仲有其他令人震惊嘅故仔，希望大家有机会见到

好想帮Hugo同Chris两个人嘅故仔发展一下

唔知大家有无机会见到

BTW Benjie暂时都系ive （暂时）

多谢大家关心

顺便，逼大家睇埋性病疣嘅资讯

算喺对社会少少贡献

呢一章睇第一次同第二次会有好神奇嘅不同（拙劣嘅公关技俩又出现）

大家可以睇多几次

本章已阅读完毕(请点击下一章继续阅读!)