四十几岁，我有一间咁样嘅餐厅，煮啲我锺意嘅嘢，睇啲我锺意嘅书，听啲我锺意嘅音乐，够钱交租，够钱开饭，其实，就已经好开心。唔知另一个Anthony，会唔会都系咁谂呢？

「你唔食嘅？」Thomas见我眼甘甘咁望住我面前嘅牛油柠檬汁鲈鱼，好似无咩郁过咁。

「欣赏条鱼啊？」口入面仲有一旧三成熟西冷嘅Benjie口齿不清咁讲，「有无咁靓啊？」

「你想唔想食我呢个？」Thomas仍然握住叉嘅手指咗一吓佢面前嘅青口Paella，「我食咗少少咋」

我拧拧头，拎起刀切开煎得香脆嘅鱼皮，「无啊，谂紧啲嘢。系喎，今日见到个人，唔知你识唔识佢？佢都系读你间中学?。 」我打开头先一早stalk到嘅Anthony嘅LinkedIn，递俾Thomas。「佢好似都几Champ。」

「Oh yeah! AK! 佢同你一齐interview？」

「系啊。」

「我都好耐无见过佢啦，我仲以为佢仲喺加拿大。」

「喂，有无ig啊？」八挂嘅Benjie已经将佢仅有嘅一张相放到最大嚟审视佢嘅外貌。「好似唔差喎。」

「佢麻麻地靓仔啦，不过好似好大只咁。」我内心对一见到男性就流哂口水嘅Benjie反咗个好大嘅白眼。

「唔系喎，好正喎?」Benjie连头都无抬，结果，Behomas嘅手机Stalk咗另一位Anthony成晚。

虽然我哋三支公原本想搵啲嘢做，但唔想又去蒲嘅我哋谂唔到做咩，最後逼於无奈，又系返翻Hall度，一上到6楼，就发现原来有两三条好似我哋咁嘅单身毒捻都聚埋咗一齐紧打机。

有人拎咗几支酒出嚟，然後雪柜入面一早就准备好tonic water同各种mixer。唔系好多人，啱啱好坐喺608号房入面。熄咗灯，净系开住墙色挂起一串串嘅灯饰，光影喺墙上面嘅相上面互相反弹。大家开始讨论几个九唔搭八嘅话题，就咁就烧咗一支酒。Speaker播紧Coldplay嘅旧歌，系我拣嘅playlist。我打开手机，见到Anthony嘅story铺咗佢同女朋友去望海嘅酒店餐厅食咗餐晚饭，仲有好大束玫瑰。唔知点解今日我好似特别执迷於呢个人，可能系因为，佢就系呢个介乎於我觉得我要成为嘅人同我唔想成为嘅人之间嘅一个平衡点，混合体。

「你今日好似好静咁嘅？好攰咩你？」Thomas斟酒俾我嘅时候问我。

「可能因为今朝太早起身。」我接过佢帮我沟嘅mojito，仲有两块薄荷叶喺杯入面漂浮，呢层楼真系咩都有。Thomas本来就唔系一个好多嘢讲嘅人，不过今日，佢好似，多咗同我讲嘢，唔知系咪我嘅错觉。「系喎，你几时入返pool?？都无听你讲过嘅？」

「上个星期啦，其实都纠缠咗好耐，只不过咁啱先正式分手啫。」

「唔好唔开心啦」

「l’m good man，回复自由身。」佢虽然系咁讲，但我仍然好担忧咁望住佢。佢伸手摷乱我嘅头发，然後就行开咗。佢行去咗同Benjie讲咗啲唔知咩，然後Benjie搭住佢膊头，唔知回覆咗啲咩。佢哋一齐笑咗，讲紧佢哋先明嘅嘢。我好想参与佢哋嘅话题，但呢间唔系我间房，甚至唔系我层楼，我唔知由边度加入佢哋嘅对话。如果唔系我同Thomas系床上面有交集，我同佢，其实仲有咩共通之处呢？

「喂！你条仆街今日系咪好捻闷呢？」兴奋嘅Benjie对住手机入面嘅Philip大嗌，然後围住间房行咗个圈。世界嘅另一面呢一刻好似阳光好充足，而呢度昏暗嘅灯光令喺手机入面净系得返少少轮廓嘅我，系咁咦挥咗手。攞返手机嘅Benjie又开始佢好嘈咁唱歌，真系唔知点解要特登FaceTime唱俾Philip听。

於是情人节嘅夜晚，我哋自以为成功地避开咗一切放闪，然後第二日朝早都系喺ig重温返所有情侣恨不得全世界都知道佢哋另一半有几浪漫嘅公关工程。然後，我喺其中一个男仔嘅ig，见到咗佢，Thomas嘅ex。佢哋仲要唔系去普通食餐饭，而系去酒店staycation。大家都知道，staycatioer term for扑嘢。

Thomas唔知系咪都见到ig上面嘅嘢，但佢无啦啦p我，话Benjie返咗屋企。我知呢个系咩意思，但我又唔知道，佢咁样搵我，系因为啲咩原因。我无谂咁多，

本章尚未完结,请点击下一页继续阅读---->>>