嘅浊钝。

「Yeah！」同喇叭闹大声只系不自量力嘅表现，所以唯有将回应缩到最短。

佢双手搭喺我膊头上面，唔知几时除咗件褛嘅佢净系一件黑色T恤，包住佢厚实嘅手臂，果然当过兵嘅男仔，身材都有返咁上下。两杯过後，身体开始有啲亲密啲接触。

我轻轻靠近佢嘅身驱，佢嘅手掌搭喺我嘅背脊上面，牛仔裤嘅缝线互相摩擦。我将头慢慢摆上佢嘅膊头上面，喺佢嘅颈上面闻到佢独特嘅气味，我将嘴唇移近佢嘅皮肤，轻轻擦过，想感受佢大动脉嘅跳动。

佢嘴唇嘅贴上嚟嘅时候同我想像嘅一模一样，我眯埋眼睛，开始唔理周围嘅一切人潮。我由嘴唇一直探索，腮骨，喉核，耳廓，锁骨。佢喺我嘅颈度停留咗几秒，过咗一阵我先知佢做紧咩。

「喂喂喂，唔好唔好?」我将佢推开，但佢嘅嘴唇仍然停留喺颈上面。佢终於拉开嘅时候我已经觉得太迟，但我睇唔到自己，唔知佢留低咗啲咩。

我拉开呼吸一口混浊嘅空气，见到脚步飘浮咁行紧埋嚟嘅Benjie。

「哗咁大笪咖哩鸡嘅！」

「唉屌，真系咩？」我下意识遮住仲有少少湿嘅皮肤，想行去厕所睇吓。

「嗱，我帮你整好佢。」Benjie靠过嚟，然後突然啜住我条颈嘅另一块皮肤，留低另一笪吻痕。

「喂啊！」我识得缩嘅时候已经缩唔切，而且俾大力嘅Benjie捉实，就咁默默垃受喺条颈上面嘅痕迹。同头先坡仔嘅kiss唔同，Benjie嘅嘴唇，有一种我推开唔到嘅熟悉感。我仲未理解清楚发生咩事，我已经发现自己太迟。半醉嘅Benjie露出奸狡嘅微笑，我而家只系想去厕所，睇吓受影响范围有几广。我推开前面想要揽住我嘅大叔，然後直径返去厕所。

当我喺厕所返嚟嘅时候，我俾面前嘅影像吓亲。头先我推开嘅大叔，而家竟然揽住咗坡仔同佢好投入咁Kiss紧。我捉住隔离嘅Benjie，

「哗，咩料啊？」

「唔知啊，不过个叔叔请饮好多酒。」佢之後递咗杯Gin Tonic俾我，我就唯有同佢同埋Marcus一齐揈同倾计。我其实都接受咗喺呢个空中楼阁入面，其实大家都系蜻蜓点水咁互相相识，所以，我都无咩感觉。反而呢一刻，同熟悉嘅人一齐玩，好似仲有多啲安全感。

「喂，个个叔叔走啦喎！」企我面前嘅Marcus用夸张嘅语气咁讲，我拧转头，发现坡仔已经行到去我後面。

「Have fun lah you,」Benjie笑咗佢几句，佢同Benjie又讲咗几句，然後将手好自然咁搭喺我膊头上面。音乐好似越嚟越大声咁，歌与歌之间嘅空隙好似越嚟越短，广东歌时段过咗，变成咗流行嘅韩文歌。

「Blak in your area!」Marcus知道系佢嘅表演时间，所以即刻冲上台上面，流畅咁跳出佢平时应该练习已久嘅舞步。有几个人都唔执输一齐跳上去，好似gogo dancer咁，为下面嘅观众提供娱乐。

「Are you having fun tonight?」坡仔问我，我点点头，继续饮住我杯嘢饮。「Do you want to tihe fun at my apartment later?」

「ummm...我听日仲要早起啊，maybe ime!」

虽然早起呢部分都系真嘅，但系我无同佢讲，其实，我而家见到佢，就净系谂起个大叔。我抑压住自己唔好叫佢不如去搵个大叔陪佢过夜，我望吓手机发现其实我都差唔多要走。

「喂我走先啦」我同Benjie讲声，「听日早起」

「你得唔得啊，使唔使我陪你返去？」

虽然佢饮得仲多过我，但原来，有人肯抛弃面前嘅酒池肉林嚟陪你返屋企，都系几暖心嘅。

「唔使啦！你哋继续啦，我楼下截的士ok啦。」

Benjie於是就无继续坚持要送我。我行入电梯，慢慢将人声由耳腔度抽返出嚟。我开始喺度谂，其实我嚟呢度，想要逃离嘅嘢，好似更加一次一次咁摆喺眼前。我落到楼下，见到左边凹位煲紧烟嘅人，入面有个系好耐之前喺App度match过嘅人，我同佢交换咗个微笑，然後我就转身走咗。呢个地方，嚟嘅人以为可以搵到想要嘅嘢，但当你真系有想要嘅嘢嘅时候，好似往往都系喺呢度同佢失诸交臂。

「干德道，唔该」

如果，一晚嘅约定都咁难维持，咁十年後嘅事，可以有几真？

本章已阅读完毕(请点击下一章继续阅读!)