今日虽然无搅野，但系又好似产生左一啲好好既感觉！唉！死啦！我真系中意左呀sam！同佢一齐好似好舒服，成日见面又不停倾计。我地而家究竟系咩关系！！！！

鼠仔对脚断左行唔到，个呀姐望住我问我点算！我话你快啲揾人黎扫左佢啦我当睇唔到。个呀姐先叫call机揾人帮手！隔离果对情侣就即刻转坐。呀sam问我你唔惊咩！我话地盘果啲大只过猫都成日见啦惊咩呀！食完米线我就问呀sam gay bar系边，佢话系附近而家带我去见识下！行左一阵我地就到左楼下我望左周围一阵！！到左？唔见有既！佢话要上楼！吊！我觉得自己好似乡下仔咁！我平时去bar通常系地下铺成条街都系，啲啤酒妹系门口拉你入去果种！咁我就撘lift上去！sam话呢到有2间！22楼同5楼！我问上去斋睇会唔会好怪，佢话睇下罗怪既咪入去坐下叫杯野饮罗！我咁地先上22楼睇下先！lift门一开，眼前既野好新鲜同直bar完全唔同。音乐好大声bar既灯光好色彩有几个bartender企左系到wow几靓仔！有4-5个男人坐左系bar前面饮野可能今日星期三仲要系8点所以无咩人！sam话呢间音乐比较大声，5楼比较静！我话落去睇下！咁我地就搭lift落5楼！lift门一开同头先个画面完全唔同，呢间同音乐比较细声望入地既感觉同直bsr差唔多！我地望左一阵有个大只职员行黎问我地几个？入去坐啦！果下好似唔好意思走咁就行左入去坐！其实我比较中意22楼，不过sam话呢间静啲可以倾计！无所谓啦反正都见识过，是但一间坐下饮杯野倾下计都好。坐低呀sam问我饮咩！我落亲bar一系劈酒一系饮longisland。而呀 sam就叫左一杯朱古力奶味既野！佢话次次都系饮呢杯！我饮左一啖试下咩黎！吊！小朋友咩！朱古力奶！我叫佢试下我果杯！sam佢饮左一啖话好劲酒味！妖！小朋友！好似未落过bar咁！我话我系bar都饮过几款cocktail 例如 tequila！林宝坚尼！咩轰炸机！薄荷酒！walker！等等！不过最爱longisland 。坐左阵我揽下呀sam锡下佢。佢又揽住我。好舒服好放松。平时落bar都系猜枚大话骰。今次既感觉好唔同！可能未试过系公众场合同男仔揽揽锡锡，感觉好特别！两个人坐系bar好似拍拖谈心咁！时间过得好快我地坐左一阵就10点半！开心既时刻过得特别快！又系时候要讲byebye！我地就一齐行去巴士站！今次到我送呀sam上巴士！大家望住大家又系好唔舍得咁就讲88！我自己行番出去等巴士，等左一阵巴士到。系巴士上我地一直pm倾计。已经约紧23号星期五再去因为星期六，日，一都放假所以一定多人。

本章已阅读完毕(请点击下一章继续阅读!)