？你有无见过佢啊？」所有人目光转向突然被Janice点名嘅我。少数叫我全名叫得咁顺口嘅人，令我突然有啲唔习惯。

「唔知喎，无喺App度见过佢喎。」我好轻描淡写咁想要带过呢个话题。

「其实呢？基佬系咪有样睇?？喂不如你教吓我啦。」周围嘅人开始起哄，Gaydar似乎系大家都好想获取嘅技能。我偷望咗坐喺另一边嘅Daniel一眼，佢无力咁笑咗一笑。尚喺柜入面嘅Daniel，好难好似我咁放肆谈论自己嘅取向。

「嗱，Nick Sung咁呀，Nick Sung系咪基?啫？」 「痴线Nick Sung有女?喎。」 「我觉得佢条女系烟幕罗，同一间公司?喎。」 「都话可以系bi咯。」「Nick Sung系咪基呢个问题，真系十大未解之谜。」大家已经开始热烈咁讨论，其实我都谂过呢个问题，但其实，系咪基，又关我咩事呢？

「咁系咪啫？」

「嗱，其实基佬就有好多种嘅。有时一个人可以睇落好直，但系都系基，相反一个人好基，都唔定系基嘅。」

「屌，咁你即系无讲过啫。」「我听讲呢，Gaydar呢啲嘢，天生?喎，咩基佬会sense到对方点点点。」「我都有听过，话唔知咩费洛蒙定点。」啲人又尻噏当秘笈。

「嗱，你其实想睇一个人系咪基嘅，你咪望下佢平时会唔会望住啲仔罗。」

「边有人会行行吓瞄人咁明显呀。」

「平时唔一定喺街?嘛。咁你望下佢平时ig会唔会咪得罗，你睇下佢，follow开啲咩人，仔仔多定囡囡多，咁咪知罗。」

「又系喎。」大家恍然大悟嘅样，令我觉得，佢地都系太年轻啦。

唔知几时出现嘅一排排Tequila shot出现喺枱面。然後又传到每人手上面。

「等等先，开定B先。」「Save 低send俾我喎。」 「Tag你咪得罗。」「喂得未？」

「一，二?」「等！等！等！未?到?嚟过嚟过。」「好！得啦吗？一，二，三，whoooo！」

抬头望见微微发光嘅射灯，灼热嘅感觉沿住食道滑落，然後口腔充满酸涩嘅味道。介乎於陌生人同埋密友之间嘅关系，令大家好亲密之余，又其实好见外。

例牌嘅队shot过後，左边嘅女仔开始Selfie，右边嘅人开始猜枚，而唱K嘅人继续唱K。梳化冰冷嘅皮革顶住我嘅脊椎，无腰骨嘅我慢慢越瀡越落。我隔离突然多咗个人，坐咗落嚟。今日无戴眼镜嘅佢，对眼好似啡咗，佢嘅粗糙嘅牛仔裤擦过我大脾，佢望住我，

「你唔好再饮到上次咁醉啊，我屋企今日无位?。」佢语气入面多咗两分唔自然嘅轻率，反而令我唔知佢系点谂。

「放心，今晚呢度应该大把人同我夹的士返Hall。」

「喂，」佢嘅音量收细，咁嘈嘅环境，唔系佢坐我隔离我都听唔到佢讲咩。「你唔系知Frederick?咩？」

「我知?不过既然佢都未出柜，我都唔会周围同人讲嘅。」

「咁好嘅你。」

「都系basic decy啫。」

「其实我有时都觉得你好勇。」

「点勇法啊？」

「当年你喺Ocamp自爆出柜嘅时候，真系大家都吓亲。」

「我咁gay，大家迟早都知啦。有咩好惊喎。」

「有好多嘢惊??」

「我谂我都系想有一日，可以喺条街度，毫无顾忌咁同中意嘅人拖手。」

「我谂，每个人都想嘅。」

「可惜，我以前嘅男朋友都系喺柜入面。而家，想搵个人拖都无人比我拖。」

笑咗两声嘅Daniel之後又叹咗口气，出咗柜太耐嘅我，已经唔记得，喺柜入面嘅牵挂同包伏，同埋嗰种日日担惊受怕嘅日子。但系有时我都明，就算身边嘅人有几接受到，你都始终好惊，惊人哋对你嘅睇法改变，惊人哋背後讲嘅说话，惊呢个标签嘅重量，会压到你失去喘息嘅空间。有时你等，等到好耐，等到过咗合适嘅时机，等到你已经唔知点开口。出柜嘅挣扎就系，当你清楚地知道一

本章尚未完结,请点击下一页继续阅读---->>>