个人对基佬嘅睇法嘅时候，你就已经同呢个人熟到唔知点讲好。

我唔敢追问佢，怕讲得太白其他人会听得到我哋唔寻常嘅对话。我只能够望住佢，或者等佢再有需要借用我嘅膊头，或者耳仔嘅时候，先再次借出。有时候，我做到嘅嘢，就只有等待。

「喂边个点?呢首歌？」

熟悉嘅前奏响起，我望咗萤幕一眼，然後望吓其他人嘅反应。

「咩歌嚟?，唔识喎。」「喂，无人唱飞?啦。」「Skip啦，我插咗下一首恋爱ING，跳过Campfire好唔好。」「喂好喎，好耐无跳过啦。」

我无出声。然後机前面嘅人?两下，萤幕变成黑色，

「再见 如果玛莉走了

谁人 是露丝不再紧要」

隔离嘅人轻轻咁唱起一句旋律，细声到唔系留意紧嘅人，唔会听到。

我拧过头望吓佢，佢望住前面，但又嘴角有少少笑意。我望住佢，突然发现，原来毋须顾忌太多嘅生活，都系一种幸运。

五月天嘅结他前奏洗走其他声音，换上太过欢愉嘅气氛，我问佢

「Campfire啊组爸，你仲记唔记得点跳？」

「记得。我当年负责教Campfire?。」

一班傻仔，就咁样喺呢间房入面，做埋啲year1 freshman先会做嘅嘢，我望住Jackie，Janice同埋我其他庄友，一切又好似返返到当年咁样。我拖住隔离啲人嘅手，一齐做埋啲湿尻动作，但又出奇地，好开心。Ocamp嘅感觉，唔知点解突然袭击带啲醉意嘅我，当年仲系一切都未发生，当年都仍然觉得大学四年，咩都有可能嘅我。 我望住身边嘅傻仔傻女，谂起我哋当年一齐捱过嘅通宵，做过嘅傻事，突然，我好挂住当年嘅自己。 就系因为咩都仲有机会，所以先至咁勇敢，但当一切都开始定型嘅时候，人生唔知点解就多咗顾忌，大家谈论嘅话题开始改变，行为上思想上都唔同咗。当一切都仲仍然简单嘅时候，我哋都只不过喺播咩歌就跟住跳Campfire嘅癫佬癫婆。

隔音房嘅喧闹只系嘈吵到去凌晨嘅一点三，已经投身职场嘅人已经顶唔顺走得七七八八，仲沉醉喺酒精入面嘅人就只系净低我，Daniel，Janice，Jackie，同埋Daniel嘅庄友Ivan。我哋搭苢出返地面，好明显地，尾班车过後嘅兰桂芳，先至系所有事情嘅开端。

「喂，Anton唔系话join?咩？」Daniel问我。

「系喎，睇吓佢系边先。」

呢个时候，两个身型高大嘅男仔由串烧铺度行出嚟。左边嘅人着住一件深蓝色嘅Hoodie，佢隔离嘅人，着住一件我太熟悉嘅白色Aberbie t-shirt，就系寻晚仲挂喺我对面嗰件。

「喂！」压低嘅声线同埋拉长嘅尾音，虽然Thomas知道我系基嘅，但我都系用我把直佬声嚟同佢say hi。

「喂，咁啱嘅。」Thomas见到我个样都尚算系pleasantly surprised，经过一个星期喺Hall入面嘅相处，已经无咗初头嗰种尴尬感。

「系罗，我都唔知你今晚落嚟。」

经过一轮互相认识之後，Thomas同佢个friend都决定跟我哋一齐玩。当然唔系因为我同Thomas有几friend，又系因为我哋呢度，有女。Anton呢个时候都到咗，我哋八个人，去到一间shisha bar度坐低。我望住呢个表面上阳盛阴衰嘅组合，实际上，啲仔都唔知自己行入咗个咩虎口。

———————

人就系矛盾嘅动物

明明已经对呢啲介乎点头之交同密友之间嘅人已经感觉到极端嘅社交疲劳

但当你发现唔知几时先会再见到呢啲人嘅时候

你又会开始觉得

曾经同佢哋渡过过好多好轻狂嘅日子

有啲挂住 啲fair weather friends

同埋当年咩都say yes 嘅自己

有可能只不过系限聚令下嘅蒲瘾发作

深柜嘅朋友say个hi

本章已阅读完毕(请点击下一章继续阅读!)